ताप्लेजुङ आगलागी : मध्यरातमा जले ७ घर र ५ घुम्ती पसल (नामावली सहित)

ताप्लेजुङ । ताप्लेजुङ सदरमुकाम फुङ्लिङमा शुक्रबार राती भएको आगलागीमा ७ वटा घर र ५ वटा घुम्ती पसल जलेर नष्ट भएको छ ।

जिल्ला प्रहरी कार्यालय ताप्लेजुङले शनिबार विहान दिएको जानकारी अनुसार फुङलिङ नगरपालिका ५ स्थित ट्याक्सी स्टेण्ड छेउमा रहेका सात वटा घर र पाँच वटा घुम्तीमा आगलागी भएको हो ।

साढे १० बजे ताप्लेजुङ सदरमुकाम फुङलिङ बजारमै रहेको भट्टराई होटल एण्ड लजबाट आगलागी सुरु भएको प्रहरीले जनाएको छ । आगो के कारणले सुरु भएको हाल सम्म खुलेको छैन ।

देवी भट्टराईको घरमा संचालनमा रहेको भट्टराई होटल एण्ड लज बाट आगलागी हुँदा दायाँ बाँयाका घर र घरमा भएका पसल र होटल पनि जलेका हुन् । आगो आज विहान पाउने ५ बजे मात्रै पुर्ण रुपमा नियन्त्रणमा आएको प्रहरीको भनाई छ । प्रहरी, स्थानीयवासी र दमकलको सहयोगमा आगो नियन्त्रणमा आएको हो । अहिले क्षतीको विवरण संकलनको काम भइरहेको छ ।

घर जलेका घरधनीको नाम
१, नेत्र कार्की
२, खेम के.सी.
३, खड्ग थापा
४, चन्द्रमाया लोछार
५ राम साह
६, प्रेम निरौला
७, देवी भट्टराई

घुम्ती पसल/काउण्टर
१, बिनिता बिस्टको घुम्ती चिया पसल,
२, तुलसा भट्टराईको चिया तथा किराना घुम्ती पसल,
३, बिशाल काउण्टरको घुम्ती,
४, सुपर साईनो काउण्टरको घुम्ती
५, बुद्दशान्ती काउण्टरको घुम्ती

Leave a Reply

Your email address will not be published. Required fields are marked *

Back to top button
Close